دخل الشتا و قفل البيبان علي البيوت
و جعل شعاع الشمس خبط عنكبوت
و حاجات كتير بتموت في ليل الشتا
لكن حاجات أكتر ترفض تموت ترفض تموت
عجبي
ياميت ندامة علي القلوب الخلا
لا محبة فيها و لا كراهة و لا
حتي ياقلبي الحزن معدش فيك
معلش معلش لكن يوم بردوا راح تتملأ
عجبي
عيني رأت مولود علي كتف أمه
يصرخ تهنن فيه يصرخ تضمه
يصرخ تقول يابني ما تنطق كلام
ده اللي ميتكلمش ياكتر همه
عجبي
جالك أوان ووقفت موقف وجود
ياتجود بده ياقلبي يابده تجود
ما حد يقدر يبقي علي كل شئ
مع إن عجبي كل شئ موجود
عجبي
أنا اللي بالأمر المحال أغتوي
شفت القمر نطيت لفوق في الهواء
طولته مطلتوش أية أنا يهمني و ليه
مادام بالنشوي قلبي أرتوي
عجبي
No comments:
Post a Comment