أنا هأنزل الأغنية دي هنا علشان خاطر عمر ابن أختي هو اللي أجبرني أنزله الأغنية دي علشان يقعد يسمعها و يبعد عن رخامة أخوة علي اللي بيحول التلفزيون كل أما يحب يسمعها و يندمج معها

نفسي تسمعوه و هو بيقول أخسش أخسش و لا سشطة حاجة عجب سبحان الله

و هو خلاني أسمع الأغنية دي في وقت عصيب و هون علي بهبله هم كبير علي قلبي

دعواتكم أنتم كمان

ده لو لسه في حد بيدخل المدونة دي

عايزاني أخس

رامز جلال

****

عايزاني أخس أخس
عايزاني أتخن موافق
أطول شعر اقص
من غير يمين موافق
كل طلباتك تتنفذ
بس أنت تؤمري و أنا أنفذ
اللي هأتكليه هأكله
و اللي يعاكسك هأكله
و هأطلع لك عينيه
لو بتحبي الشطة
هأفتح مطعم شطة
و أفطر و أتعشي أنا فيه
أنت عارفة إن واد طايش
و بحبك بقة حب جنان
لو بتحبي الفروسية
كل يومين أجيلك بحصان
أسرح و لا ألبس كاب
و لو عاوزة أخف الجناب
كل كلامك يمشي
لو عايزاني منامش
أنا هأفضل صاحي علي طول
عايزاني أخس أخس
عايزاني أتخن موافق
أطول شعري أقص
من غير يمين موافق

ومالو

عمرو دياب

*****

ومالو لو ليلة تهنا بعيد
و سيبنا كل الناس
أنا يا حبيبي حاسس بحب جديد
ماليني ده الإحساس
و أنا هنا جنبي أغلي الناس
أنا جنبي أحلي الناس
حبيبي ليلة تعالي ننسي فيها اللي راح
تعالي جوة حضني و أرتاح
دي ليلة تسوي كل الحياة
و مالي غيرك
و لولا حبك هأعيش لمين
حبيبي جاية أجمل سنين
و كل مدي تحلي الحياة
حبيبي ألمس أيديا علشان
أصدق اللي أنا فيه
يا ما كان نفسي أقابلك بقالي زمان
خلاص و هأحلم ليه
ما أنا هنا جنبي أغلي الناس
أنا جنبي أحلي الناس
حبيبي ليلة تعالي ننسي فيها اللي راح
تعالي جوة حضني و أرتاح
دي ليلة تسوي كل الحياة
و مالي غيرك
و لولا حبك هأعيش لمين
حبيبي جاية أجمل سنين
و كل مدي تحلي الحياة

أنا مش هأضعف

عمرو دياب

*****

أنا مش هأضعف تاني قصادك
أنا مش هأرجع أبص ورايا
قربك عندي زي بعادك
يعني خلاص مش فارقة معايا
تفتكريني أو تنسيني
مبقاش فيكي شئ يغريني
الأيام اللي أنا عشتها وياكي نسيتها
أيام عديت لا كرهتها و لا حبتها
أصحي و من أحلامك فوقي
ضعفك مش هيرجع شوقي
الأحلام اللي تهيألي معاكي لاقيتها
كانت أجمل حاجة في عمري أتمنتها
أنسي إن أنا هأتمني رجوعك
بعد ما قلبي طفي شموعك

لما قابلتها

واما

***

لما قابلتها يوم و أنا ماشي
قلت ياريت اليوم ده مجاش
كان شئ صعب علي حقيقي
أعمل نفسي مبعرفهاش
يومها مكناش بس أتنين
كان ناس تانية كتير ماشيين
كنت ساعتها في عز الحيرة
لحظة و عديت زي سنين
قلت أنا هأمشي قوام طوالي
و أعمل نفسي مأخدتش بالي
بس إزاي يجي يوم و أتنكر
للي زمان كانت كل أمالي
هي أكيد كان راح تتألم
لو عديت من غير ما أتكلم
و علشان أنا خدت قراري
لما تقرب أقف و أسلم
ضاع من قلبي اللي مخوفني
لما شافتني و قلبها شافني
أتبسمت و مديت أيدي
عملت نفسها و لا تعرفني

بتبعديني

محمد منير

***

بتبعديني عن حياتك بالملل
و خلتيني أقول خلاص مفيش أمل
بتبعديني عن حياتك بالملل
و خلتيني أقول خلاص مفيش أمل
أستمري هتخسريني
أستحالة هتكسريني
و حسسيني إنك حجر
أو وردة دبلت علي الشجر
صبرت صبر غريب رهيب لا يحتمل
بتبعديني عن حياتك بالملل
و خلتيني أقول خلاص مفيش أمل
و بتوهميني إني ظلمتك
و إني غربتك هزمتك
عملت أية يجرح كرمتك
كل اللي ممكن أعمله معاكي أتعمل
بتوهيميني إن الحكاية بتنتهي
أبعد و قبل ضياعي منك تندمي
مبقيتش بأعرف دمعتك من ضحكتك
أصرخ مفيش و لا صرخة مني تسكتك
معرفش لي بتعذبيني
لو بجرحك إمشي و سيبيني
ثابتة الحياة بينك و بيني
إحساسي بيكي راح أكيد مش محتمل
بتبعديني عن حياتك بالملل
و خلتيني أقول خلاص مفيش أمل

قبل الوداع

عمرو دياب

******

قبل الوداع قرب هنا
قرب تعالي ضمني
خليك شوية في حضني حاول تفتكر
من كم سنة أنت و أنا
مع بعضنا و بتحبني
خليك معايا في حضني حاول تفتكر
مين اللي قالك إني بعتك
و أنت ليه صدقته ليه
و الله حبك كل عمري
قلت أييييييييييييييية
أستني متسبنيش كده
الوقت ليه نستعجله
يمكن تحن لأي ذكري في حبنا
إزاي هتنسي الحضن ده
و أنت اللي ياماه أشتقت له
قرب كمان عمرك و أحلامك هنا
مين اللي قالك إني بعتك
و أنت ليه صدقته ليه
و الله حبك كل عمري
قلت أييييييييييييييية
مين اللي قالك إني بعتك
و أنت ليه صدقته ليه
و الله حبك كل عمري
قلت أييييييييييييييية
قبل الوداع قرب هنا
قرب تعالي ضمني
خليك شوية في حضني حاول تفتكر
من كم سنة أنت و أنا
مع بعضنا و بتحبني
خليك معايا في حضني حاول تفتكر

نشيد راية بيضا

*****
و أنا بين خواتي
سمعت صوت القنابل
سألت ماما
قالت لي جيش غدار و قاتل
و أنا بين خواتي
سمعت صوت القنابل
سألت ماما
قالت لي جيش غدار و قاتل
طلعت بصيت في السما
لاقيت ورق
أة أة
مرمي علينا
سألت ماما قالت لي
بيقول سلموا
أة أة
تبقوا في عينينا
و سألت تيتة بوشوشة
إزاي يا تيتة نستسلم
قالت لي نرفع راية بيضا
فوق بيتنا و بلاش نتكلم
و وحدة وحدة
اخدت طرحة تيتة البيضا
و طلعت فوق بيتنا و ربطها بشريطة
و وحدة وحدة
اخدت طرحة تيتة البيضا
و طلعت فوق بيتنا و ربطها بشريطة
و نزلت أجري قوام و أنا حاضنة لعبتي
من خوفي قلت أنام تدرايني مخدتي
و نزلت أجري قوام و أنا حاضنة لعبتي
من خوفي قلت أنام تدرايني مخدتي
و شفت في الأحلام
ورد و أمل و سلام
و شفت في الأحلام
ورد و أمل و سلام
و صحيت علي الألغام و صرخة جدتي
و فضلت أجري و انادي
علي الناس في قريتي
اتاري الكل رافع راية بيضا يا أمتي
اتاري الكل رافع راية بيضا يا أمتي
اتاري الكل رافع راية بيضا يا أمتي

المحكمة
سيد الشيخ
***
كنت ماشى فى يوم جراحى جوة قلبى معلمه
والدموع على خدى نازله وعينى ليها مسلمه
قولت ادعى ربنا
رفعت ايدى للسما

.
التقيتنى فاجئة واقف عند باب المحكمة
ناس كتير متجمعين والحيرة ماليه وشهم
كلهم مستنين و الخوف بيجرى فى قلبهم
قولت ادخل لما اشوفهم وابقى واحد منهم
شفت قاضى وخلق واقفه وصوت بينده محكمة

.

شفت أم ضناها واقف كان قريب منها
الحديد بينه وبينها عايزة تاخده فى حضنها
الدموع مالين عينيها والقلق باين عليها
قلبها محروق عليه
ابنها ضاع منها
فضلت تصرخ تدعى وتبكى ولا حدش كدة حاسس بيها

.
وادى اب علشان بناته مد ايده للحرام
النهاردة بيشكى حالة ومين هيسمع له كلام
خاف عليهم من الزمان
قال يسيبهم في الأمان
باع ضميره غصب عنه
كل ده في لحظة شيطان
واهو دلوقتى
بيبكى وخايف من اللى هيحصل تانى كمان

.
شفت شاب يا ناس بيبكى فى القفص لما جابوه
كان بيحلم يبقى حاجة وكان أمل أمه وأبوه
جم صحاب السوء خدوه وبكلامهم غيروه
نسوه كل عزيز وغالى وفى طريقهم ضيعوةه
واما فى وقت الشدة أحتاجهم اتخلوا عنه سابوه

.
وادى واحد فوق كتافه
حمل اتقل من الجبال
انتهت يا ناس حياته وفى رقبته كوم عيال
وصلوه اخر الطريق مين يقول انه برئ
كلمة واحدة القاضى قالها ضيعت له كل شئ
مين بقى حس بجرحه وناره وهوا فى جرحة لوحده غريق

.
شفت اطفال والبرائة جوه منهم محبوسين
تاهوا فى الدنيا الكبيرة وهما لسه صغيرين
سكة واحدة اللى جابتهم فى الدموع يا ناس رميتهم
مقطوعين فى الدنيا ديا والشوارع هيا بيتهم
ولا فى حضن حنين طيب فكر يوم يمسح دمعتهم

.
يالى فاكر انك انت بس وحدك فى العذاب
لا تعالى في ناس كتيرة دا انت ورقة فى الكتاب
قول يا رب وهتلاقيه
عيش وخلى ايمانا بيه
دا اللى شايف جرح غيره جرحه هو يهون عليه
احمد ربنا مهما أدالك وأوعى تقولى يارب دا ليه
....

تعليق بسيط

ياريت بجد نركز في كلمات الأغنية بصرف النظر عن إنطباعنا عنها

و كمان بلاش حد يركز قوي في غلط الكلمات أنا دورت عليها كان صعب علي أكتبها الحقيقة كعادتي يعني و لاقيتها و هي كانت متبهدلة أكتر من كده و عدلتها مش فاهم هو كان ليه اللي كاتبها بيكرهه الهاء كان ناسيها باين كان قالبها كلها تاء مربوطة مش عارف ليه

طبعا لو في حد بيدخل المدونة المهجورة دي ياريت يا شباب حد يعلق العفاريت هتسكن المدونة علي كده