اضحكي
أحمد جمال
*****
ياللي شمس الدنيا تتطلع
لما تتطلع ضحكة منك
حسي بالناس الغلابة اللي زيي بعد إذنك
بطلي تحلوي أكتر
و أوعي وشك يوم يكشر
واضحكي دايما ياسكر
ياللي سابقة بجد سنك
اضحكي خليني اضحك
ضحكتك بترد روحي
ربنا وحده اللي يعلم
بأعشق إزاي ياروحي
مستحيل الشعر يوصف أي تفصيلة في جمالك
و الغنا لو كان كفاية ألف غنوة أغنيهالك
ياللي بتبقي جنبي
بأنسي بيكي كل تعبي
ياللي احتلتي قلبي
قلبي فرحان بإحتلالك
اضحكي خليني اضحك
ضحكتك بترد روحي
ربنا وحده اللي يعلم
بأعشق إزاي ياروحي
ياللي شمس الدنيا تتطلع
لما تتطلع ضحكة منك
حسي بالناس الغلابة اللي زيي بعد إذنك
بطلي تحلوي أكتر
و أوعي وشك يوم يكشر
واضحكي دايما ياسكر
ياللي سابقة بجد سنك
